Маш сургамжтай богино түүх

Амьдралын үзэл бодлын тухай маш ихийг хэлж өгөх богино түүхийг та бүхэнд хүргэж байна.

Нэгэн жижиг хотод хэцүүхэн амьдралтай эхнэр нөхөр хоёр хамтдаа бяслаг хийдэг байв. Тэд бяслагаа 1 килограмм жинтэй дугуй хэлбэрт оруулж хотынхоо дэлгүүрийн эзэнд хямдхан зардаг байв.

Нэг удаа дэлгүүрийн эзэн ядарсан эхнэр нөхөр хоёрт эргэлзэж яг 1 килограмм жинтэй бяслаг өгч байгааг шалгажээ. Гэтэл 900 грамм байсан аж. Дэлгүүрийн эзэн ихэд уурлажээ.

Дараагийн өдөр нь эхнэр нөхөр хоёр бяслагаа авч ирэхэд дэлгүүрийн эзэн ууртайгаар:
-Дахиад танай бяслагийг авахгүй. Би жинг нь хэмжсэн. Та хоёрын надад зардаг бяслаг 1 килограмм биш 900 грамм байна. Та хоёр намайг тийм ч амархан мэхэлж чадахгүй шүү гэв.

Гэтэл эхнэр нөхөр хоёрын царай муухайрч нөхөр нь:
-Уучлаарай бидэнд бяслагийнхаа жинг үзэх хэмжигч байдаггүй. Бид хоёр танай дэлгүүрээс авсан 1 килограмм элсэн чихэртэй жинг нь тэнцүүлж бяслагаа хийдэг байсан юм гэжээ.